lineli concept

Wier 3 verzelle dier di Gschicht vo ischer Züäflucht,

vertwelle isch vo Afang a, bis ans Endi vo ischer Züäkunft

in ischer Heimat, ischum 1, dum Alles.

Es isch en Heirat, mit ischum Herz, im Herzu vom Wallis.

Bin hiä üfgwagsu in dem Dorf voller Schönheit,

ja und das mit Freid will hie finsch du nur schöns, ey!!

Hoffu das ischers Dorfbild zwischu modern und wild

schine Scharm cha bhaltu soo Harmonie erfillt.

Äs isch es Labyrint voller Rebe, Gassä und Wägä

und ier siid sicher ufär Süäch nach Wii, waged nä uf d Stägä

embri ini Katakombä voner Wiichellerii,

hiä laduntsch di fröindlichscht zumä schnellu Glasji Wii i.

Hiä kennt nu jedä der Anre, Dorfgschichte en Höipteiguschaft.

Wer hie was schaft, und weli mit welum was macht,

d Johaniter erkennunt scho wahri Gaschtfreundschaft,

schi holunt d netig Chraft üsume ganz bsundru Saft.

Wiso der Wii so güät chämä uf dischum Terrä?

S’isch zrugzfiäru uf Traditione und uf ischu südlichu Tän.

Dine Chochwii mit Sprait git hegschtens meh Promill,

gopf, vo setigum Scheiss hets negschtens eh scho z’vill!!

Am Röschtigrabu isch ds Lebu durchüs en krassi Sach

Welsch und Ditsch wird gitrennt durch ischu Raspillebach.

Bhandlut wiene Bitch, zersprengt mit Ach und Krach

um isch isch Striit doch bi isch isch alles uner Dach und Fach.

Salgesch wird vo zwei Ideä, Mentalitäte bilehrt,

darum wird isch hie vo zwei Site ischers Lebu erschwehrt,

gwissi Lit hiä sind heiss bigehrt und anri sind verstehrt,

da chunt mär eine zii, vo dem hani scho vil khert.

Ische Exportschlager, im Herzu ewige Präsident,

Jean-Michel Cina, Godfadder of Strategiä und Plän.

Hät ds Beru miessu kämpfu wiene Pirat,

schine Weg endut in wenigu Jahr als CVP-Bundesrat.

 

2 x

Back to the roots / nur no Salgesch ruled

Back to the roots / ds Dorfji mim bsundru Gruuf                       

Back to the roots / wier hei alls sogar es Puff                       

Back to the roots / alli Chiggies sägund let’s muuf!!

 

Witer zeigi na der Hubil uf dum Schachtelar

und dä gewär wider embri zum Russu „alles klar“!!

Aber achtig voru Bonzu-Jungs im Ghettoluk

es isch doch uberall ds Glicha öi ich wünschumer mini Chindheit zrug.

Dä löifsch ds Trotuar entlang und wels bigegnuter?

S’isch eini mimä gwissu Drang, da git’s kei Rettig me,

ds Üsgseh wiä Dolly Baster nur Bügilbrätt statt megagwaltig

das passt in keis Raschter, schi het halt ds wenig Unerhaltig.

D Strassugafferä, jedä Tag, da am umfastah,

witer unina, Reviär klar, zwischu Restora und Plaschetta

aleigu und schich zeigu irusch Höiptbischäftigung

setigi Spezies haltunt ds Dorfläbu in Schwung.

 

Röfrä

 

Git nimme vil Landwirtschaft, kei Gelder meh ver di Püru

en Abwandrig findut statt, vonu Felder ins Büro,

Chiä gits z wenig, nur ds Josi wa ab und züä nu mal mischtut,

hiä, ver d Iname ds verbessru, vom Stall zu du Turischtu.

D Wirtschaft floriert dank unzähligi Wiicheleriä,

fühlt schich wohl hie inu 10 Beitze, 2 Bäckeriä,

Guafförsallon, Poscht, Bank, Creativ-Iris-Shop,

iberall fliesst Mani, keine geit isch bankrott.

Chinder heint sus wirkli güät hiä iner Natur,

wiäne Oasu aner Rhone, jahrhundertalti Kultur

Steilhäng fer ds Chlättru und ds Schlittnu der Winter dur.

Kei Stress körperlichi Fitness und güäti Lühnu pur.

 

Gimmer es S es A es LGESCH sägmer wa wa, DA

Gimmer es S es A es LGESCH sägmer wa wa, AHA