lineli concept

Vili vo inu sind mit giduktum Chopf

und mit ernschter Minu wie korrupti LA-Cops.

Mime Gsichtsüsdruck als hetisch chürzlich kotzt,

unerwegs zum negschtu Halt, in Richtig Snobs.

Diskutieru, churz redu, nei das mächunt di nit

und wenn de nur mit Fremdwerter, will das wirkt ja so gschiit.

Am Samstag de ga golfu, ja so haltunt schi schich fit,

en schönä Body lenkt süber ab vom fehlundu Grips.

Chlagunt schich öi immer wie schwer daschus hei;

steh iner Firma vom Papa scho fasch uf eigunu Bei.

Gli weli Frag das stelsch, d Antwort isch und blibt “Nei!“

Drum sindsch halt immer im Puff, heint angscht duheimu elei.

 

3 x Heint dits, heint das, heint d Macht,

heint als, heint ds vil, heint Geld,

heint d Welt, doch:

Wellunt no me!!!

Wellunt no me!!!

 

Üs irusch Sicht chenti d Welt nu besser si,

ver der Ton a ds gä stigundsch ini Politik i.

D Richi bits richer machu, mitu Armu ämbri,

jede Abund zum Vergessu de dri, vier Glassjini Wii.

Anstatt d eigund Fröi ds liebu und dra immer tröi d si,

büwunsch duheimu stress ab, und schlehnt in irusch Chind dri.

Schliessli zahlundsch na der Scheidig Alimenti ver di,

d nöi Liebi bstellunsch per Katalog, isch ja easy.

Chlopft bi inu schliessli mal en Bettler anner Port,

mechundsch d Euge zue, ds Hüs nit üf, und luegund fort.

D Uberschüssig Franku kijunsch lieber inu Komfort,

und in Kokaparties wa ds Pulver d Nasu durchboort.

 

Röfrä

           

Schönheits OP’s kehre zer nöi Dolce Vita,

bits Fett absügu am beschtu direkt es paar Liter.

Passt inu Terminkalender, churz uber Mittag,

und de no gat es Randewu ver du negscht Fritag.

Ferie und Entspannig 2 Wuche  ds Afrika,

Kontakti pflegu, Elefantu jagu ds Kenya.

Spricht mu schi de schliässli mal uf irusch Verganguheit a,

siige kei Rassischtu me, hei gäru Nigeria.

D weltwiit Hungersnot isch inu eiguntli gli,

solangs bi inu ufum Menüplan nu Kaviar git.

Das miäsä mu schich erarbeitu, chämä nit eifach mit der Zit,

irusch Wohlstand isch wichtiger als ds Läbu vo tüsigu Lit.

 

Röfrä

 

Nam Ferrarichöif tiensch no bits dra umfaflicku,

wensch bim Umfablochu vergessunt ufu Tacho ds blicku,

Polizii wird bim Radar eis zwei Eugä züä tricku,

und speter sägu: Hei vergässu di Büäs ds verschicku!

D Mitarbeiter sige gwissermassu Untertahnu,

schaffe halt besser bi Schlag uf Hinerchopf und Unerarum.

Bi der Frag wieso dasch d nöi Lehrtochter umarmunt,

sägunsch di hei halt ds chalt und so berchome gisch warum.

Man if you get up, for a thing, every day, for a play,

select your guns ‘n’ chicks’ll come to devil I say.

 

Es geit isch guet hiä, was welle wier nu ändru.

Isch hegschti Ziit iischi Werchi hiä ds vollendu.

Guet hiä, und wenn’s eu dier guet geit,

dä singe wier jetz alli hiä vereint.