lineli concept

Gli welli Schüäh das treisch,

was uf dim Tischört steit,

vo wa das chusch und geisch,

was du glöibsch und weisch,

biwäg dini Bei,

what we do is what we say,

wier blibe nit ellei

und  d Welt isch und blibt chlei!!

 

Was heisst chlei?? Ver mich heisst das allerlei, nei,

also jetz mal allgmei, d Welt isch vernetzt, hey,

durch Internet, Strom-, Verchehrs- und Isubahnnetz

Poscht Airlains, Sound und ischers Handilsgsetz.

D Äthnologie seit ja das wer vo uberall sii,

der Menschheit isch nid klar, sogar

der Eskimo isch ischä Nachbar,

zwar Alaska isch wit entfernt fasch unereichbar,

jedä isch mit jedum verbunde wie Mosas und Mar.

Ich ga in d Feriä, süächu fer mich en Züäfluchtsort,

liggu am Strand kehru nebs mier es Dialektflüächwort

im glichu Ort isch dinä nid vermisstä Arbeitskonsort,

ob Süd oder Nord, iberall Menschu- und Güäterexport.

 

Es git Züäfäll uf discher Erdu.

Es git Züäfäll uf discher Welt.

 

Röfrä

 

Jedä einzäln Mensch schriibt schini eguni Gschicht uf d eigund Art,

jedäs Läbu isch es Gidicht, en Gmüätsart,

häder en Bart, wie isch schini Gangart,

lost er Räp, Techno, Rock än Roll oder ehner Mozart??

Im Läbu müesmo vil reisu und sienta umfaheichu,

ab und züä deichu und trotzdem voner Schüäl fleigu

ä sie müäsch stah oder ga en Stüähl reichu,

alli tiehnt d Händ schweichu und das isch es güäts Zeichu.

Wier läbbä, erläbbä gäbbä nämmä schwäbbä,

in Abenteuer no heuer bis wer isch üfräggä,

Im Läbbä müäsmo oi chennu nach dum Tanz sträbbä,

ufer welt gits vill Schöns mu müässus nur üshäbbä.

 

Röfrä

 

Der Platz uf discher Erdu wird immer bigrenzter,

täglich werdund Lid giboru und der Tote isch der total Abstinenzler.

D Lid wärdund immer bischränkter, greizter und feister.

Wenn’s nix meh ds lüägu git de putzt d Mama nomal ds Pfeischter.

D Welt isch chlei, ver mich heisst das allerlei,

nit nur Mensch, Zuäfall, Massi und Maskerei

ob Mongolei, Amerika oder Sidney..

Alli lidund glii bime Bruch an Arm oder Bei.

Vom Basislager Rhonetal,

sendwer Infos nach uberall,

an alli mit und ohni Agsan-Federal,

blibet am Ball, midenand statt gägunand,

susch steisch am Rand, wie der Sand am Strand.

D Welt isch chlei hä, und dreht schich no derzüä,

der Züäfall bringt Bigägnigä und niemert chat dem entflieh,

es herrscht es ständigs Gäh und Näh,

schich nit gmäss Reglemänt binäh

heisst nit das Respekt wehement tüät abnäh!!

Ich bi zwar Schwitzer

Aber sienta

chumi gli nitna

wasi als so mitha

zum Bispil bimä Schgitag

Skoda Octavia

nöi üs Argentinia,

beschte Kaviar

üs Skandinavia,

Fanta Mango-Flavia

vo Jamaica,

Vegeta Mäc Pita

vo America,

d Sunnu vo Africa

üs Italia di Pizza,

öi da en hotta Chica

vo Puerto Rica,

näbundra en Basstard

dr Maker üs Alaska,

en Stumpu vo Havanna,

ds Coca üs Atlanta,

ah da no mini Tanta

der Rescht voder Verwandschaft

eh darfi vorstellu

d weltwiti Bikantschaft.

 

Es git Züäfäll uf discher Erdu.

Es git Züäfäll uf discher Welt.

 

Züäfäll gits, ohni Witz,

nit nur in ischer Schwitz!!