19. Out

Wennt du ds Salgesch ds vill Wii deguschtiärsch
Und am Nahtag eine diini Liichu obduziärt
 
Wennt bim Basejump diis Biwusstsii verliärsch
Und wennt erwachsch ima Tünnel richtig Liecht marschiärsch
 
Und du fregsch dich wieso isch das genau mier passiärt?                                     
Irgend äppis hät da nid so ganz funktioniärt
 
Wenn di ds Bangladesch eine mima Gwärli entfiärt
Und di emabund grilliärt und Kanibalu serviärt
 
Wenn inner Wieschti diis Kamel krepiärt
Und niämer da isch wa der eppis ds triichu offeriert
 
Wenn diini Mama Atombombe exportiärt
Und am negschtu Tag diis ganz Dorf explodiärt
 
Und du fregsch dich wieso isch das genau mier passiärt?                                     
Irgend äppis hät da nid so ganz funktioniärt
 
Wenn dich der Helikopter Rundflug total fasziniärt
Und der Propeller uf z mal eifach nimme rotiärt
 
Wennd duheimu probiärsch was in Genetik studiärsch
Und diine Hamschter zuma Yeti mutiärt
 
 
Wennt du es Kabil rechts anstatt links häsch montiärt
Und  en  häftige Stromschlag diis Fiddlu rasiärt
 
Und du fregsch dich wieso isch das genau miär passiärt?                                     
Irgend äppis hät da nid so ganz funktioniärt