16. Bessri Hälfti
Als isch es Gäh und es Näh, es stetigs Üf und Ab,
uber Berga und durch Täler, mäche wier nie schlapp.
Zituwiis wird’s brenzlig, und öi sienta knapp,
doch wier halte als Team zämu, wills zämu so super klappt!
Ich welti gäru me Zit, ver dich und mitier ha,
immer went du fort geisch, welti ich dich nit la ga.
Sie rädi ohni Worti, nur du chasch mi de verstah.
Öi wens gägu mich löift uf dich chanimi stets verlah.
Went du lachsch tüät miis Herz de no dopplut gumpu,
schneller als bime Alki vor duma vollu Humpu
oder dum Goldsüächer bim Fund vomä Chlumpu.
Ich bi wienä leerä Pneu, und du bisch mini Pumpu.
2x
Zu jedum Deckil passt en Topf,
zu jedum Chäppi passt en Chopf,
zu jedum Loch passt en Chnopf.
O ja O ja…!
Bisch di bessri Hälfti,
keineswegs selbschtverständli.
O no O no…!
Du bisch miis Salz iner Suppu, machsch di Ziit ersch intressant,
du blibsch stehts im Zentrum, driftusch nie ab anu Rand.
Went emal z chalt hesch, wärmunti, chum gimmer d Hand.
“Love is in the Air”, und ich briellus durch ds ganz Land.
Wenn di mini Öigä ifehnt funkluntsch wie Kristall.
Bisch weltwiit di bescht Erfindig situm Urknall.
Jedi Mahlziit mit dier wertvoll wie ds letscht Abundmahl.
Mini Liebi ver dich, finsch im Detail, isch uberall.
Es isch nie ds Glicha mit dier, als isch immer wider neu.
Wenimi nit siä zwängti, deichti ich läbegi der Tröim.
Will mi kei andri reitzt, blibunter eifach treu.
Will du bisch miis perfekt Gägunuber, di perfekti Fröi.
2x
Zu jedum Bäum passt en Hund,
zu jedum Agibot en Chund,
zu jedum Problem en Grund.
O ja O ja…!
Bisch di bessri Hälfti,
keineswegs selbschtverständli.
O no O no…!
Love in the air, jumpa higher then the Micheal free the air,
teist a shampu from the black long a hair,
pju gal wa me and some treat me really unfair,
fire in my heart and dat is the best affair!
Good idea ya biffalo siffilus protecta,
check da, I’m da real biba selecta,
nottem di true umandem valaisan errecta,
Badman no flee, stay a they are outsteppa!
2x
Zu jedum Zahnarzt passt en Zahnt,
zu jedum Chriäger passt es Land,
zu jedum Abgrund passt en Rand.
O ja O ja…!
Bisch di bessri Hälfti,
keineswegs selbschtverständli.
O no O no…!
Bisch mine Fels iner Brandig, wens in mier stürmt und tobt,
bisch wiit und breit d Einzigi wa mis Vorga hiä lobt.
Ohni dich als Rettigsring wer mis Schiff in Seenot,
dank dinum Griä in miner Amplu, hani jetz nit rot.
Fär mich bisch nur du, wiänä zweiti helli Sunnu,
mit dier hani der gregscht Jackpot uberhöipt gigwunnu.
Siä heiwer als Einzelschwimmer, gägu du Strom gschwumu.
Han es Chriblu im Büch und öi eis ufer Zungu.
Eis und eis macht zwei, zämu 200 Prozent,
hesch grosse Ifluss uf mich, miis Glick in dinu Händ.
Danku JAH ver dich, mit dier häder mi verwennt,
mini Liäbi ver dich isch nit nur Glüät, nei schi brennt.
2x
Zu jeder Nachricht passt en Sprecher,
zu jedum Ibruch passt en Brecher,
zu jedum Coca passt en Becher.
O ja O ja…!
Bisch di bessri Hälfti
Keineswegs selbschtverständli.
O no O no…!
Du gisch mer Halt, Wärmi, Vertrüwu, alles isch wahr,
Liebesblicka und so blib wär uber Jahri es Paar.
Spetär heiwer Chinder, bald en ganzi Schar,
als dine Gmahl hocki mi nebs dier vor du Fernseh dar.
Jedä Tag bim durchblättru vom Walliser Botu,
gat zwischu Fernsehprogramm und dum Dank ani Totu,
strahlunt schi uf mich embri vom Inserat und dum Foto.
D Freit vo inu isch gresser als bime 6er im Lotto.
Jetz siwär scho fufzig Jahr in Zweisamkeit,
Goldni Hochzit Narbe bliibunt und d’Wunde sind verheilt.
Gratulation isch sälber , hei ds Glick stets giteilt;
sätigi sprich mächunt klar, dass nu lang witer geit…