lineli concept

Ich stah hie mitsch uf dume vollu OS-Schüälhof

und süächu ver miis Interwju nu irgend en Schüälgoof.

Ah da, he du, eh, chäntisch gat mal acha cho?

Äh nei Alte, hesch nit bitte gseit Arschloch!

Bittu um Entschuldigung, chasch mer bitte Antwort gääää?

Ja sicher Mann, Höiptsach  chaschus eu verantwortääää…

Stell scho d Frag, müäss nacher weg,

nu ga Beers poschtu ver mini Crew obina ds Steg.

Jackpot, Volltreffer, genau dich hani gsüächt!

Jetz laber mi nit voll, stell scho d Frag verdammt verflüächt!

Zer erschtu Frag, wie gsehsch du di Problematik,

vertreit schich Alkohol wirkli güät mit Mathematik?

Notä und Schüäl sind im Läbu ja eh nit wichtig.

Höiptsach kuhl müäss mu si, stimmts? Ja ja richtig.

Kuhlness definiert schich nit mit 2+2 gid 4,

sondern ehner vor der Schüäl no gat ds zweit en Chaschtu Piär.

Häsch de du nu es Ziel ver speter? Ja!!

Was willt de werdu, bsuffne Professor aner ETH?

Speter isch speter, hitu isch jetz.

Wichtig isch ver mich momentan nur das hitu hie fetzt.

Und in Sache Freue macht di der Alk zum Don Jan?

Schlepp schi ab wie TCS Autos uf der Autobahn.

Ha meh Chiggies im Jacuzzi als der Methodman vom Wu-Täng Glan.

Aber jez müäsi weg, bin raus, es aners mal, ich gan…

Nenei, wart gat blib gat, eh blib gat da!!

Äh nei eh, machsch mi nit gat so wirkli a..

Äh, ja scho güät, in dem Fall gibi witer.

 

Ja Mosas hie Laif d Salgesch üsser Beitz, ääh ich ga mal ani Bar..

He ier chani äch gat churz mit eiw rädu?

Ja sicher bi ds Kari, chaschmer riewig du sägu.

Gäru Kari, jetz zu miner eiguntlichu Frag, äbu,

wie wichtig isch der Alkohol in dinum Läbu?

Ja du, als erschtes welti gat d Chance warnä

und mini Fröi und di dri Chinder Ateil la näh.

He Helga, bi no mim Alex hiä aner Bar,

chumu de gat speter, haltmer gfelligscht ds Essu warm!

Ver zrug zer Frag, bi Unernehmer, jedoch bankrott.

Ei Botsch lost mer Hip-Hop und ds Meitji punkrock.

Der aner Botsch isch Stammgascht im Hanfshop.

Darfer machi hiä immer en Tankstopp!

Will mer zwar nit erlöibu uber dich hie ds urteilu.

Alkoholsucht isch en Chrankheit, versüäch di ds heilu.

Bisch ja numunu inner Beiz am umfaheichu.

Gang zu du Anonümu schi tiängi der Üfmerksamkeit scheichu.

Äh her üf zellu du labrusch en scheiss Stuss!

Chennti jederziit üfheru, ha aber kei Luscht.

Junge heb z Gläff susch gibi der eis druf!

Mit du Öigä spilli Ping -Pong und der Grind schmeizi ind Luft.

Nur kei Panik Kari!

Bisch ja schneller uf 180 als der Ferrari vom Harry.

Säg läg dis Messer wider weg das bringtsus doch garnit!

Müäss hie raus schaltu jez live nach irgendwa hin.

 

Hallo, stah hie, vor dera Wiicheleri.

Süächu gat no der Chef, ga uf di schnelle mal i.

Ahh ja, da gsehni öi scho der erschte Ma, siit ier hie der Chef?

Neei, Chef isch da, ich bi nur Jugoslaw.

Wa? Ja, da, ischso… Danke villmal, Sorry, Chef… Ja?

…chänti äch gat mal eis zwei Fragä stellu,

zum Alkoholkonsum im Generellu?

Ja klar. Ok, de vani mal a…

Packu ds Thema direkt aner Wurzil a.

Mini erschti Frag chänet ier das verstah,

dass der guet Salgischer Triibil

ds Emblem vom Wiignuss hoch 10,

verantwortlich gmacht wird ver ds extrem

Walliser Alkoholproblem?

Na Mann, produzieru mini paar Liter im Jahr,

aber fühlu mich dermit nid als Verbrecher. Alles klar.

Wier produziäre Wii zum Gnuss und säge nei zum Suff.

Ds deichu wier siige d Schöpfer vom Problem isch Stuss.

Amen, Fertig, Schluss! Okei,

das hani bigriffu!

Aber wie tiet ier das stiru,

dass alli Lit mit so tiru

Wiina vo eiw, irusch Feschti tient firu,

obwohl das mu zum verglichu,

billigs Mineral chenti trichu?

Darfer setzte wer uf gsundi Priisa und Qualität.

Nid wiä der Turm vo Piisa wa an einum Fadu hät.

Ab und zue es Glassji Wii isch gsund.

Alles druber wird mer ds bunt.

Bi nie pumpurund. Ver meh ds trichu fehlt der Grund.

Okei das is scho gsi.

Ischers churz Interwiu isch leider scho verbi.

Gibu jez uf direktum Weg in d Studio zrug

und gönnu mier jetz hie öi mal en gsunde Schluck!!!